"مووچە" هیلێد مامووسایەیل سلێمانی و خاوەن پێداویستیەیل تایوەت پەیامیگ ئەرا هەردگ حومەت ناوەندی و هەرێم کلبکەن
!["مووچە" هیلێد مامووسایەیل سلێمانی و خاوەن پێداویستیەیل تایوەت پەیامیگ ئەرا هەردگ حومەت ناوەندی و هەرێم کلبکەن](https://media.shafaq.com/media/arcella/1699352255855.jpg)
نوێنەر یەکێتی خاوەن پێداویستی تایوەتەیل لە سلێمانی سامان حسێن لە کۆنگرەیگ رووژنامەوانی کە ئاژانس شەفەق نیوز ئامادەبوی راگەیان "خاوەن پێداویستی تایبەتەیل ئمڕوو مووچەی مانگ گوزەشتە وەرگردن کە لەناوەین 100 هەزار دینار تا 150 هەزار دینارە کە لە وەختیگ نرخ 100 دۆلار ئەمریکی نزیکەی 170 هەزارە".
وتیش "بارودۆخەگە ئەرا خاوەن پێداویستی تایوەتەیل بەدترینە لەماوەی ئی چەن ساڵە، ئیرنگە خاوەن پێداویستی تایبەتەیل دەسکردنەس وە هاتن ئەرا یەکێتیەگە ئەرا داواکردن پرتال کوەنە و هەمیش توان نەفت سەنین نەێرن تا خوەی لە سەرما بپارێزن و نیەتوەننن گوشتیش بسینن یان کرای مۆلیدە بدەن یاخود یان هەر چشتیگتر بکەن وە ئەی مووچە.
سامان داوا لە حکومەت هەرێم کەێد "مووچەیلیان نەخێدە ناو ململانە و مەرافەیلیان وەگەرد بەغدا لەوەخت دیاریکریاگ خوەی خەرجیبکەن کە لە هاوردەی ناوخوەی هەرێم خەرجی بکەن چوینکە وە بەراورد وە مووچەی چین و تویژەیلتر فرە کەمە".
لەلایگیش دەیان مامووسا و خوەیبەخشەیل سلێمانی، لەنوای پەروەردەی سلێمانی خوەنیشاندان کردن، وتن بەردەوام بویمن لە خوەنیشاندان و مانگردن تا مافەیلمان مسۆگەر کەێمن.
سامان تاهر ماموسایگ ناڕازی لە کۆنگرە رووژنامەوانیەگەی ئمڕوو کە ئاژانس شەفەق نیوز ئامادەبوی راگەیان " خوەنیشاندانەگەی ئمڕوومان دووپات کەێد ئەرا ئەو پەیامەمان کە ئاراستەی لایەنە پەیوەنیدارەیل حکومەت کەێمن کە وەردەوامین ئەرا مسۆگەرکردن مافەیلمان لە ری خوەنیشاندان و مانگردن".
وتیش؛"خوەنیشاندان و مانگردنەیلیمان وەردەوامە تا ئەو مەوقەی داواکاریمان جیوەجی کریەێد و کە بریتیە لە خەرجکردن مووچەیلمان راستەوخۆ وەلایەن وەزارەت دارایی فیدراڵی دەسکردن وە پلەبەرزکردنەوە و دامەزرانن وانەبێژەیل خوەیبەخش و چارەسەرکردن گیچەڵ مووچە وەرگردنی لە وەخت خوەی".