کەموتەریگ بوودە خوینی گەنجیگ لە هەرێم کوردستان

شەفەق نیوز/ وەڕێۆبەرایەتی پۆلیس ئیدارەی ڕاپەڕین لە هەرێم کوردستان، ئمڕوو جمعە، راگەیان ؛ گەنجیگ لەوەر کەفتنی لە بان خانی کتاوخانەی گشتی لە قەزای قەڵادزێ مرد، ک خوازێد کەموتەریگ مەره‌قەز بکەێد تا وەرەو ئاسمان باڵەو بگرێد.

وەڕێۆبەرایەتیەگە لە بەیاننامەیگ وت: لە شەش مانگ نیسان گەنجیگ کاسبکار وەناو (ه. ک. ق) لە داڵگبوی 2002 لە بان خانی کتاوخانەی گشتی شاره‌گه‌ کەفتە خوار، تا بوورێەێدە خەسەخانەی گشتی لە قەڵادزێ ، ئیجا وەرەو سلێمانی بریا و ولەوەر سەختی زەخمەگەی، ئمڕوو گیانی لەدەسدا.

وەڕێۆبەرایەتیەگە لە زوان وەچەودیەلیگ وت؛ گەنجیگ چگە بان خانی کتاوخانەی گشتی تا کەموتەریگ گرفتار مەرەقەز بکەێد و باڵەو بگرێد، بەڵکم خوه‌ی لەبانەو کەفتە خوار وەرەو زەویەگە و تووش زەخمەیل سەختیگ هات.