مه‌سعود بارزانى ياد ئافره‌تيگ سياسى كورد كرد له‌به‌غدا له‌لايه‌ن رژيم به‌عسه‌و دريا له‌سێداره
2020-05-12T20:43:54+00:00
شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، ياد 46 ساڵه‌ى له‌سێداره‌داين ئافره‌ت سياسى كورد له‌يلا قاسم كرد.
بارزانى له تويتيگ وت: ئمڕوو 46 ساڵه‌ى له‌سێداره‌داين له‌يلا قاسمه له‌لايه‌ن رژيم ديكتاتۆرى به‌عس له به‌غدا كه هه‌ميشه هه‌تا هه‌تاس له ياد كورد مينێد.
له‌يلا قاسم له ساڵ 1952 له شار خانه‌قين له 27 يه‌ناير ساڵ 1952 هاته‌سه دونيا و له‌سه‌ره‌تاى ساڵه‌يل هه‌فتا له سه‌ده‌ى گوزه‌يشت چالاكى داشت له پارت ديموكرات كوردستان.
جى باسه، له‌يلا له‌ساڵ 1971 چيه‌سه كۆليژ ئاداب له زانكۆى به‌غدا له به‌ش زانست كۆمه‌ڵايه‌تى و له 29 ئبريل له ساڵ 1974 ده‌سگير كريا له‌لايه‌ن حكومه‌ت ئه‌وساى عراقى و خوه‌ى و هاوڕيه‌يلى له 12ى مايۆ 1974 دريان له‌سێداره.
