مه‌سرور بارزانى پيروزبايى له ئێزيديه‌يل كرد: حكومه‌ت وه‌رگرى له مافه‌يلدان ئه‌كا
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، په‌ياميگ ئاراسته كرد و له‌تى پيروزبايى له ئێزيديه‌يل كرد وه‌بوونه‌ى سه‌رساڵ ئايينى ئێزيدى و جه‌خت له‌وه كرد حكومه‌ت هه‌رێم پابه‌نده وه وه‌رگريكردن له ماف پيكهاته‌يل ئايينى و نه‌ته‌وه‌يى و مقه‌يه‌تيكردنيان.
بارزانى له په‌يامه‌گه‌ى ك روينويسيگى ره‌سيه شه‌فه‌ق نيوز وت: گه‌رمترين پيروزبايى له براو خوه‌يشكه‌يل ئێزيدى ئه‌كه‌م له هه‌ريم كوردستان و گشت جه‌هان، وه‌بوونه‌ى هاتن سه‌رساڵ ئێزيدى و ئوميده‌وارم ساڵ خێر و خوه‌شى بدێ ئه‌رايان و كووتايى وه مه‌ينه‌تيليان باێد.
جى باسه، سه‌رۆك حكومه‌ت هه‌رێم هه‌ميش وت: حكومه‌ت پابه‌نده وه وه‌رگريكردن له ماف گشت پيكهاته‌يل ئايينى و نه‌ته‌وه‌يى و مقه‌يه‌تيكردنيان له هه‌رێم و گوزارش وه شانازى كرد ك ئێزيديه‌يل پيكهاته‌يگن ره‌سه‌ن له پيكهاته‌يل ملله‌ت كورد.
