ئمشەو واران لە هەرێم کوردستان وارێد
شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو یەکشەممە، راگەیان ئمشەو بارستە وای سەردیگو واران وارین روی لە هەرێم کوردستان کەێد.
کەشناسی لە بەیاننامەیگ راگەیان، "ئمڕوو ئاسمان ساماڵ و لەکە ئەورە لە ئیوارە ئاڵشتبوود ئەرا نیمەئەور و شەو کاریگەری واران وارین وەرد کاریگەری بارستە وایگ سەرد جەمسەری روی لەناوچەگە کەێد".
ئاشکرایکردئمشەو واران وارین لە ناوچە جیاوازەیل دەسوەپی کەێد وەشیوەی نمە واران و وەرد نزمەوبوین پلەی گەرما سەرەتا لەناوچە سنووریەیل وەفر وارین دەسوەپی کەێد و سوو کاریگەری شەپوول واران وارینەگە زیاترەوبوود لە ئەنجام زیایبوین کاریگەری بارستە وایگ سەرد جەمسەری و پلەی گەرمی زیاتر داوەزێد".
پلەی گەرمی مەزەنەکریاگ وە پلەی سیلیزی:
هەولێر : ١٨ پلەى سیلیزى
سلێمانی : ١٦ پلەى سیلیزى
دهۆک : ١٧ پلەى سیلیزى
کەرکوک : ١٩ پلەى سیلیزى
هەڵەبجە : ١٧پلەى سیلیزى
زاخۆ : ١٧پلەى سیلیزى
حاجی ئۆمەران : ٦ پلەى سیلیزى
سۆران : ١٣پلەى سیلیزى
گەرمیان : ٢٠پلەى سیلیزى.
