کۆمسیۆن باڵا راگەینێد کە سوو چوارشەممە هەڵمەت پرۆپاگاندای هەڵوژاردن دەسوەپی کەێد

شەفەق نیوز/ دادوەر هونەر ئەحمەد محمد، ئمڕوو سێشەممە، دەسکردن وە هەڵمەت پرۆپاگاندای هەڵوژاردن پەرلەمان هەرێم کوردستان راگەیان کە لە سوو چوارشەممەو دەسوە هەڵمەت پرۆپاگاندای هەڵوژاردن کریەێد، و تەنیا تا ماوەی ٢٠ رووژ وەردەوامە.

دادوەر محمد لە کۆنگرەیگ رووژنامەوانی لە بەغداد، وت: هەڵمەتەگە سوو ٢٥ ئەیلوول دەسوەپی کەێد و تا ١٥ی تشرین یەکەم وەردەوامە.

وتیش؛ ١١٩٠ کەس خوەیان کاندید کردنە ئەرا هەڵوژاردن کوردستان، وە بەشداریکردن ١٣٦ لیست هەڵوژاردن.

دادوەر محمد وتیش: کۆمسیۆن باڵای سەروەخوەی هەڵوژاردن دەسەیگ دروس کرد، ئەرا چەودیاریکردن هەڵمەت هەڵوژاردن و وەشوینکەفتن پێشێلکاریەیل و یاساشکاننی.