مزەنەی کەشوهەوای 48 ساعەت ئایندەی هەرێم کوردستان
2024-06-11T08:34:47+00:00
شەفەق نیوز/ وەڕێوەبەرایتی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای 48 ساعەت ئایندە راگەیان.
کەشناسی لە بەیاننامەیگ راگەیان، "ئمڕوو ئاسمان ساماڵ و لەکەئەورە وەگەرد تەپوتوز سوکیگ لە باشوور هەرێم و ناوچەیل گەرمیان و پلەی گەرمی بەرزەوبوود".
ئاشکەرایکرد، "سوو ئاسمان ساماڵ و لەکەئەورە، و پلەی گەرمی کەمیگ بەرزەوبوود".
بەرزترین پلەی گەرمی مەزەنەکریاگ وە پلەی سیلیزی:
هەولێر : 41
سلێمانی : 37
دهۆک : 38
کەرکوک : 42
هەڵەبجە : 40
زاخۆ : 40
سۆران : 38
حاجی ئۆمەران : 25
گەرمیان : 44
