مزگانی خوەشیگ ئەرا کشاوەرزەیل کوردستان
![مزگانی خوەشیگ ئەرا کشاوەرزەیل کوردستان](https://media.shafaq.com/media/arcella/1685369362836.jpeg)
2023-05-29T14:09:38+00:00
شەفەق نیوز/ وەزارەت کشتوکاڵی لە حکومەت هەرێم کوردستان، ئمڕوو دووشەممە، بڕیاریگ لە باوەت وەرگردن گەنم لە سایلۆەیل دەرکرد.
وەزارەتەگە لە بەیاننامەیگ رەسیە ئاژانس شەفەق نیوز وت: لە ئیرنگە وەرەولا، جفتیارەیل توەنن وە شیوەی راستەخۆ گەنم بیەنە سایلۆەیل، ئەوەیش وەگورەی ئەو پشتگیریە ک وەلایەن وەڕیەوبەرایەتەیل وەزارەتەگە وەپیان دریەێد.
بەیاننامەگە وتیش: بڕیار وازکردن خاڵەیل سنووری وەگەرد ناوڕاس و باشوور عراق دریا، لە روی هەناردەکردن بەرهەم کشتوکاڵی جفتیارەیل کوردستان.