مزگانی خوەشیگ.. بەنداو خانەقین نزیکە پڕ لە ئاو بوود

شەفەق نیوز/ ئەحمەد وەسین وەڕیەوبەر بەنداو ئەڵوەن لە قەزای خانەقین،  ئمڕوو شەممە ز باس تەکان لافاوەیلیگ کرد لە سنوورەگە وەرەو بەنداوەگە هاتنە،  ک ئەمارەگە وەرانوەر قەیران ئاو لە قەزاگە پڕەو کەێد.    

وەسین ئەرا ئاژانس شەفەق نیوز وت: بەنداوەگە نزیکە پڕ بوود،  و ئەوەسا ئەمار ئاوەگەی رەسێدە زیاتر لە ٣٤ مەلیۆن پای شەشپاڵو ک ئاو نووشین ئەرا ناوچەیل خانەقین دابین کەێد.   

وەرپرسەگە باس ئومید خوەی کرد لە تەکانەیل نوویگ لە لافاوەیلە وەرەو بەنداوەگە،  تا بڕە زیایەگەی وەرەو دەریاچەی حەمرین مەرەقەز بکریەێد و ئاو دیالەیش خاس بوود.