مردن گەورە نویسەر کورد کەمال غەمبار

شەفەق نیوز/ یەکێتی  نویسەرەیل و ئەدیبەیل کورد لق هەولێر، ئمڕوو دووشەممە، کووچ دویایی گەورە نویسەر کورد "کەمال غەمبار" ل تەمەن 87 ساڵی راگەیان.

 لە بەیاننامەیگ یەکێتیەگە کە وە ئاژانس شەفەق نیوز رەسیە هاتیە، " وە خەم و خوسەی فرەیگ مردن گەورە نویسەر کورد کەمال غەمبار راگەێنین، سەرخوەشی لە خانەوادەی کووچکردگ و گشت نویسەر و هاوڕێ و کەسوکاری کەێمن".کەمال غەمبار، نویسەر و وەرگێر و رەخنەگر ئەدەبی دیاریگە لەساڵ  1937 لە کۆیە سر وە پارێزگای هەولێر لەداڵگبویە، قۆناغەیل خوەنین لە هەولێر تەواوکردیە و لە شەستەگان سەدەی وەرین بش زوان عەرەبی لە کۆلێژ پەروەردەی زانکۆی بەغداد تەواوکردیە.