مردن و زەخمداری 6 کەس وە تەقیان سیستەم غاز لەناو ماڵیگ لە هەرێم کوردستان
2024-12-22T08:24:21+00:00
شەفەق نیوز/ وەڕێوەبەرایەتی پۆلیس لە ئیدارەی "گەرمیان" لە هەرێم کوردستان، ئمڕوو یەکشەممە، خەوەردا لە مردن کەسیگ و زەخمداری شەش کەس لە ئەندامەیل یەک خێزان وە سزیان لەشیان لە ئەنجام تەقیان سیستەم غاز لەناو ماڵەگەیان لە ئاوای "مەحمود قەجەر" سەر وە ناحیەی "قورەتوو".
قسەکەر پۆلیس موقەدەم مفپەروەر عەلی جەماڵ قەدوری لە بەیاننامەیگ رەسیە ئاژانس شەفەق نیوز وت، یەکیگ لە زەخمدارەیل کە ناسریاگە وە (ئارەش ئەحمەد حەسەن) لەداڵگبوی 2014 لەوەر قویڵی زەخمداریەگەی گیان لەدەسدا.
دیاریکرد، باوگ قوربانیەگە و برا و خوەشکەگانی زەخمداربوینە لە ئەنجام تەقیان سیستم غاز و ئەرا خەستەخانەی فریاکەفتن "شەهید هەژار" لە کەلار کلکریانە.
وتیش؛ تەرم مناڵەگە ئەرا فەرمانگەی پزیشک دادوەری قەزای کەلار کلکریاس پۆلیس رەسیەس وە شوین رویداوەگە دەسکردیە وە لێکۆڵینەوە.
