مردن و زەخمداری 3 کراکار لەناو یەکیگ لە پرۆژەیل هەولێر
2023-08-29T08:41:31+00:00
شەفەق نیوز/ کراکاریگ گیان لەدەسدا و دوانیش زەخمداربوین لە یەکیگ لە پرۆژەیل شار هەولێر پایتەخت هەرێم کوردستان.
پەیامنێر ئاژانس شەفەق نیوز لە هەولێر وت، 3 کراکار کەفتنەسە ژیر خوەڵ وە مدوو داڕمیان خوەڵ یەکیگ لە پرۆژەیل ئاوەڕۆ لەناوچەی تەێراوە لە شار هەولێر، لەئانجام یەکیگ لە کراکارەیل مرد و دوانیش تویش زەخمداری هاتنە و ئەرا خەسخانە بریان.
شایەتحالیگ وت، خوەڵ سێ لە کراکارەیل داپووشیە، تیمەیل قورتارکردن لە دویای ئاگادارکردنەوە توەنستنە تەنیا دوو کەس وە زەخمداری قورتاربکەن کە یەکیگیان زەخمداریەگەی سەختە، و کەس سێیەم گیان لەدەسدایە.
پەیامنێرمان وتیش دەزگایەیل تایبەت دەسکردنە وە لێکۆڵینەوە ئەرا ئاشکەراکردن چوینیەتی رویداوەگە.
