یەک مردن و زیاتر لە ٢٠٠ تووشهاتن نوو وە کۆڕۆنا لە هەرێم کوردستان

شەفەق نیوز/ وەزارت تەندروسی لە هەرێم کوردستان، ئمڕوو پەنجشەممە، راگەیان تۆمارکردن زیاتر لە ٢٠٠ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە.

وەزارەتەگە لەبەیانامەیگ رەسیە ئاژانس شەفەق نیوز ٢٠٢ تووشهاتن تۆمار کرد وەیجوورە بەشەوە بوین: ١١٤ هەولێر، ٣٦ سلێمانی، ٤٢ دهۆک، ١ هەڵەبجە، ٤ گەرمیان، ٥ راپەڕین، تا گشت ژمارەکە بڕەسێدە ١٠٩٧٨٩.ک تووشهاتن.

وەگورەی بەیاننامەگە؛ ١٣٢ بیمار لە پەتاگە خاسەو بوین، وەیجوورە؛ ٥١ هەولێر، ٤٢ سلێمانی، ٣٥ دهۆک، ٤ گەرمیان، تا گشت ژمارەی خاسەوبویەکان بڕەسێدە ١٠٤٠٥٠.

هەرلیوا، هەرێم کوردستان یەک مردن لە ماوەی دویاترین ٢٤ ساعەت تۆمار کرد، تا گشت ژمارەی مردنەگان بڕەسێدە ٣٥٢٦.