مردن وەرپرسیگ ئەمنی لە کوردستان وە ڤایڕۆس کۆڕۆنا

شەفەق نیوز/ وەڕێوبەرایەتی دارستان وژینگە لە هەرێم کوردستان، ئمڕوو یەکشەممە، راگەیان کۆچکردن عەقید زەید عوسمان لەوەر تووشهاتنی وە ڤایڕۆس کۆڕۆنا.

وەرجە چەن رووژیگ عەقید عوسمان تووش ڤایڕۆسەگە هات، تا دویەکە لە دویای خراوبوین رەوش تەندروسیی کۆچ دویایی کرد.

وەزارەت تەندروسی لە هەرێم کوردستان، دویەکە لە دویاترین هەڵوێست پەتایی رووژانە، راگەیان تووشهاتن ٢٧٦٢١ کەس لە وەخت دەرکەفتن پەتاگە لە هەرێم، و خاسەوبوین ١٧٣٨٦ کەس لەلیان، و مردن ١٠٣٢ تووشهاتگ.