٤ مردن و ٤٠ تووشهاتن نوو لە ناوچەیەل ئیدارەی سەروەخوەیی
2021-01-06T11:21:39+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن ٤ مردن و ٤٠ تووشهاتن نوو وە ڤایڕۆس کۆڤید-١٩.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ وت: مردنەگان دوو پیاو و یەک ژن لە حەسەکە و پیاویگ لە ریقە.
موستەفا زتیش؛ ٤٠ تووشهاتن نوو وە ڤایڕۆس کۆڤید-١٩ لە ناوچەیەل ئیدارەی سەروەخوەیی تۆمار کردن، ٢١ پیاو و ١٩ ژن.
تووشهاتنە نووەگان وەیجوورە بەشەوە بوین؛ ٥ حەسەکە، ٢ قامیشلۆ، ٦ دیرگ، ١ تەل تەمر، ١ رمێلان، ٧ کۆبانی، ١ ریڤە، ٣ دێر زۆر، ١١ەتەبەقە، ٢ شەهبا.
جی باسە ک ژمارەی تووشهاتنەگان لە ناوچەیل ئیدارەی سەروەخوەیی رەسیە ٨١٥٣، لەلیان ٢٧٦ مردنە، و ١١٥٧ خاسەوبوینە.
