١٨ مردن و ١٣٥٣ تۊشهاتن کۆڕۆنا لە هەرێم کوردستان
2021-09-30T15:56:48+00:00
شەفەق نیوز/ وەزارەت تەندروسی لە حکومەت هەرێم کوردستان، ئمڕوو پەنجشەممە، راگەیان توومارکردن ١٨ مردن و ١٣٥٣ تۊشهاتن نوو وە ڤایرۆس کۆڕۆنا لە ماوەی ٢٤ ساعەت گوزەیشتە.
وەزارەتەگە لە بەیاننامەیگ رەسیە ئاژانس شەفەق نیوز وت تاقێگەیلی لە ماوەی ٢٤ ساعەت گوزەیشتە ٨٦٢٩ تۊشهاتن نوو ئەنجام دانە، لەناویان تۊشهاتن ١٣٥٣ کەس ئاشکرا بۊی.
بەیاننامەگە باس خاسەوبۊن ١٢١٨ بیمار لە پەتاگە لە خود ماوەگە کرد، و هەمیش ١٨ بیمار لەوەر پەتاگە مردن.
دەربارەی ئامار گشتی تۊشهاتنەیلەی ڤایرۆسەگە لە هەرێم کوردستان، بەیاننامەگە وت: وەزارەتەگە ٢١٨٧١ بیمار کەرەنتین کەدگە، و تاقێگەیلی ٣١٣٠٢٢٧ تاقیکردنەوە ئەنجام دانە، لەناویان ٣٣٢٢١١ تۊشهاتن ئاشکرا بۊیە خ لەلیان ٢٩٧٩٣٦ بیمار خاسەو بۊینە خ و ٥٨٧٣ مردنە.
