مردن وەڕێۆبەر گشتی گەشتوگوزار دهۆک لەوەر تووشهاتنی وە کۆڕۆنا
2020-12-14T09:42:38+00:00
شەفەق نیوز/ لە پارێزگای دهۆک، ئمڕوو دووشەممە، راگەیانن مردن عوبەیدوڵڵا داوود وەڕێۆبەر گشتی گەشتوگوزار پارێزگاگە لەوەر تووشهاتنی وە ڤایڕۆس کۆڕۆنا.
سەرچەوەیگ پزشکی ئەرا ئاژانس شەفەق نیوز وت؛ دوێەشەو یەکشەممە لە وەخت دیریگ عوبەیدوڵڵا داوود وەڕێۆبەر گشتی فەرمانگەی گەشتوگوزار لە دهۆک لەوەر تووشهاتنی وەڤایڕۆس کۆڕۆنا لە یەکیگ لە خەسەخانەگان پارێزگاگە کۆچ دویایی کرد.
سەرچەوەگە وتیش؛ داوود وەرجە ٢٠ رووژ تووش ڤایڕۆس کۆڕۆنا هات، و رەوش تەندروسیی خراوەوبوی و بریا ئەرا خەسەخانە و نریا ژیر چەودیری وورد.
عوبەیدوڵڵا لە ساڵ ١٩٦٤ لە شار دهۆک لەداڵگ بویە.
