مردن نویسەر و رووژنامەنویس سەڵاح مەندەلاوی لە سلێمانی
2023-10-19T08:28:13+00:00
شەفەق نیوز/ دویەشەو چوارشەممە، نویسەر و رووژنامەنویس سەڵاح مەندەلاوی لە تەمەن 77 ساڵی کووچ دویایی کرد.
نەبیل ئیبراهیم حەسەن، کەسیگ نزیک لە کووچکردگ وە ئاژانس شەفەق نیوز وت، مەندەلاوی ماوەی چەن ساڵیگە تویش بیماری بویە و لەناو ماڵ خوەی لە سلێمانی مردیە.
وتیش، مەندەلاوی ئەرا قەورسان وادی سەلام لە نەجەف بریەێد.
نویسەر و رووژنامەنویس سەڵاح عەبدولجەبار عەلی مەندەلاوی ناسریاگ وە "سەڵاح مەندەلاوی" لەناوچەی "بازاڕ گەورە" لە قەڵای جەمیل بەگ لە قەزای مەندەلی سەر وەپارێزگای دیالە لە ساڵ 1946 لەداڵگبویە، یاوەری سیاسەتمەدار کووچکردگ جەلال تاڵەبانی کردیە.
مەندەلاوی لەوەر هەڵویستەگانی لە دۆز کوردی چەندین جار لەبان دەس رژێم وەرین دویرەوخریاگە، و زیاتر لە دوو ساڵ زیندانیکریا لەماوەی ساڵ هەفتاگان سەدەی ورین و سزای ئیداری دریا و دویرەوخریا لە پۆستەگەی جویر وەڕیەوبەر گشتی وەزارەت نەفت فیدراڵی و ئەرا وەزارەت کاروبار کۆمەڵایەتی کلکریا جویر فەرمانبەریگ پلە هەفت.
