مردن نزیکەی 300 کووڵبەر لەناوەین عراق و ئیران لەماوەی نیمەی یەکەم ئمساڵ

لە راپۆرتیگ پێگەگە کە ئاژانس شەفەق نیوز ئەڵگەردان ئەرای کردیە هاتیە، لەماوەی نیمەی یەکەم ئمساڵ، 270 کووڵبەر لەناوەین هەردووگ وڵات گیان لەدەسدانە لە پارێزگا کوردستانیەیل لە ئیران لەوەر چەن هووکاریگ کە لە دیارترینیان راستەوخوەی وە ئامانج گردنیان وەلایەن هێزە ئەمنیەیل ئیران وەرد هووکارەیل ترەک جویر رمیان وەفر، و رەقەوبوین لە سەردی، و مین، و وەخوارکەفتن لە بەرزایەیل.

وەپای راپۆرتەیل، وە بەراورد وە نیمەی یەکەم ساڵ 2023 شمارەی قوربانیەیل وەشیوەی وەرچەو بەرزەوبویە، دیاریکرد لەناو قوربانیەیل 20 کووڵبەر تەمەنیان ها لە خوار 18 ساڵان.