مردن گەنجیگ خەڵک بەسڕە وە وەخوارکەفتن لەبان لوتکە کویەیگ لە هەولێر

شەفەق نیوز/ سەرچەوەیگ ناوخوەیی، ئمڕوو سێشەممە، خەوەردا لە مردن کەسیگ لەدویای ئەوەگ لەبان بەرزایی کویەیگ لە قەزای چۆمان لە هەولێر وەخوارکەفێد.

سەرچەوەگە وە ئاژانس شەفەق نیوز وت، "تیم وەرگیری شارستانی خەوەردار کریاس لە گومابوین کەسیگ لەناوچە کویەیلگ لە قەزای چۆمان لە هەولێر و دەسکریاس  وە مینەکردنی".

وتیش "لەدویای چەن ساعەتیگ لە مینەکردن تیمەیل وەرگیری شارستانی توەنستن تەرمەگەی وە مردگی پەیابکەن، هنای نوڕن لەبان بەرزیگ لەناوچە کویەیەگە وەخوارکەفتیە".

وتیش "ئەو کەسە گیان لەدەسداس خەڵک بەسڕە لە باشوور عراقە، ری نیشاندەر گەشتوگوزار بویە، وەپای زانیاری سەرەتایەیل لە ئەنجام سڕبردن لەبانبەرزایی کویە وەخوار کەفتیە، لەدویای ئەوەگ مۆبایلی کە وینە وەپیگردیە وەخوارکەفتیە تەقەلای گلەوداینی دایە".