مردن ئەفسەریگ پێشمەرگە کە لە رویداوەگەی مەخموور زەخمدار بوی
2023-10-28T08:09:13+00:00
شەفەق نیوز/ وەزارەت کاروبار پێشمەرگە لە هەرێم کوردستان، ئمڕوو شەممە، پرسەی مردن یەکیگ لە ئەفسەرەیلی راگەیان کە لە ئەنجام زەخمداربوینی لە رویداوەگەی قەزای مەخمور گیان لەدەسدا.
وەزارەتەگە لە بەیاننامەیگ راگەیان وە داخەو ئەرا مردن موقەدەم "پوشۆ خالد" جیگر فەرماندەی فەوج یەکەم لیوای 18ی پیادە سەر وە وەزارەت پێشمەرگە لە شەوەکی ئمڕوو کە ماوەی چەن رووژیگە لەژیر چارەسەرکردن بوی لە خەسخانە لەئەنجام زەخمداربوینی.
لەبەیاننامەگە وتیش، موقەدەم خالد پەیوەست بوی وە کاروان شەهیدەیل لە ئەنجام ئەو زەخمداریبوینیە کە تویشی هاتوێد.
شمارەی قوربانیەیل هێزەیل پێشمەرگە بەرزەوبوی ئەرا چوار کوشیای لەو تەقەکرنە وەرد سوپای عراقی رویدا لە ناوچەی مەخموور لەناویان دوو ئەفسەر پلەبەرز هەس.
