مردن دوو مناڵ وە هیزگردن ئاگر لە سلێمانی

شەفەق نیوز/ دوو مناڵگیان لەدەسدان و یەکیگیش زەخمداربوی وە سەختیلە ئەنجام هیزگردن ئاگر لەناو ماڵیگ لە شار سلێمانی لە ساعەتەیل سەرەتای ساڵ نوو 2025، وە مدوو وەکارهاوردن ئەو کەرەستەیلە زوی ئاگر گردن.

وەڕێوەبەر فریاکەفتن سلێمانی سامان نادر وە ئاژانس شەفەق نیوز خەوەردا، ئاگرەگە نزیکەی ساعەت سێ شەفەق هیزگردیە لەماڵیگ کە کەفێدە ناوچەی " چوارچراي نوێ" لە سلێمانی.

ئاشکرایکرد لە وەخت رویدان رویداوەگە سێ مناڵ لە ماڵ بوینە، لە ئەنجام دوو مناڵ مردیە، کە یەکیگیان 6 ساڵان و ئەوەکەش 10 ساڵانە، مناڵ سێیەم وە سەختی زەخمداربویە، دەسوەجی ئەرا خەستەخانەی فریاکەفتن بریایە.

دیاریکرد، ئەو خێزانە وە رەگەز عەرەبن، ئاگرەگە لە ئەنجام وەکار هاوردن مادەیل زوی ئاگرگر ئەرا گەرمکردنەوە ئاگرەگە هیزگردیە، بویەسە مدوو هیزگردنی وە شیوەی کارەساتبار.