مردن خانمیگ حاجی کورد لە شار مەککە
2023-06-20T11:53:18+00:00
شەفەق نیوز/ وەڕیەوبەرایەتی گشتی حەج و عومرە لە هەرێم کوردستان، ئمڕوو سێشەممە، خەوەردا لە مردن خانمیگ حاجی لە شار مەککە لە شانشین سعودیەی عەرەبی.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت " حاجیەگە ناوی ( رەحیمە قادر حەسەن)ە خەڵک ئیدارەی سەروەخوەی راپەڕینە و لەداڵگبوی 1957ە.
وتیش،" ئەو کەسە بیماری دڵ داشتیە لە گوزەشتە نەشتەرگەری قەستەرە لە سلێمانی ئەرای ئەنجام دریاس، لە مەککە پسای تەندروسی تێکچیە ئەرا خەسخانەی مەلک عەبدولعەزیز کلکریاس لەورا گیان لەدەس داس".
