مردن ٨٧ کادر پزشکی و تووشهاتن زیاتر لە ٤ هەزار وە کۆڕۆنا لە هەرێم کوردستان
![مردن ٨٧ کادر پزشکی و تووشهاتن زیاتر لە ٤ هەزار وە کۆڕۆنا لە هەرێم کوردستان](https://media.shafaq.com/media/arcella/1626695176813.jpg)
شەفەق نیوز/ وەزیر تەندروسی لە هەرێم کوردستان، ئمڕوو دووشەممە، راگەیان ئامار مردنەیل و تووشهاتتەیل لە کادرەیل تەندروسی گشتی لە هەرێم کوردستان، لەوەخت بڵاوبوین ڤایرۆس کۆڕۆنا.
سامان بەرزنجی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: لە وەخت دەرکەفتن پەتای کۆڕونا، زیاتر لە ٤ هەزار لە پزشک و فەرمانبەر تەندروسی تووش ڤایڕۆسەگە هاتگە، و تا ئیسە ٨٧ کادر تەندروسی لەناویان مردگە.
وتیش؛ هەرێم کوردستان چەن تووشهاتنیگ وە ئاڵشتبویە نووەگەی دەلتا تۆمار کردگە، و وەداخەو ک هیمان بەشیک لە خەڵکەگە وە واکسینەگە رازی نیین، بەڵکم وە چشت خراویگ دانەنەی.