مرافەی مناڵەیل خۊینیگ لە هەولێر نەێدەو

شەفەق نيوز/ پیاویگ و دووان لە مناڵەیلی، شەو شەممە، لە قەزای خەبات لە پارێزگای هەولێر کوشیان،  ئەوەیش لەوەر مرافەیگ لەناوبەین دوو خیزان، رەسیە جەنگ، کەوەر مرافەی مناڵەیل.

وەڕیەوبەرایەتی پۆلیس هەولێر لە بەیاننامەیگ رەسیە ئاژانس شەفەق نیوز وت: دویای کوشیان سێ کەس شەو شەممە، لەناو بازاڕ خەبات، هێزی لە وەڕیەوبەرایەتی پۆلیس هەولێر رەسیە شۊین رووداوەگە،  و دەرکەفت ک مرافەی قسەیگ لەوەر جەنگ مناڵەیل لەناوبەین دوو خیزان بۊیە، و رەسیەسە جەنگ ناوبەینیان.

بەیاناممەگە وتیش؛ مرافەگە بویە هووکار باوگیگ و دوو کوڕی وەناو (محمد قادر عەباس) و (بەدر محمد قادر) و (شێروان محمدقادر)

وتیش؛ وەڕیەوبەرایەتیەگە لێکۆڵینەوە لە رووداوەگە واز کرد تا بڕەسێدە تاوانبارەیلە و بەێدەیانە دادگا.