ئەمریکا وە ئەوزەڵکردن کەرت گاز سروشتی لە کوردستان پشتگیری لە سەروەخوەیی وزە لە عراق نووەو کەێد
![ئەمریکا وە ئەوزەڵکردن کەرت گاز سروشتی لە کوردستان پشتگیری لە سەروەخوەیی وزە لە عراق نووەو کەێد](https://media.shafaq.com/media/arcella/1686218668674.jpeg)
باڵیۆزەگە لە کۆنگرەیگ رووژنامەوانی هاوبەش وەگەرد کونسوڵ وڵاتەگەی لە هەرێم کوردستان، ئێرڤین هیکس جونیۆر راگەیان، "گاڵ گشت لایەنەیل هەرێم کوردستان دەیمن وەیەکەو کار بکەن و ناکۆکیەیل بخەنە کەنار تا بتوەنن خوازینەیل هاووڵاتیەیل دابین بکەن".
وتیش: "وەشیوەیگ سەرەکی خەڵک کاریگەری لەبان نەوین یەکڕزی ناوەین ئەو لایەنەیلە دیرن" وتیش؛ "هەریمیگ کوردستانی وەهاز و پیشکەفتگ دوینیمن لەچوارچیوەی حکومەت فیدراڵی، ک بوودە فاکتەریگ ئەرا قایمکردن ئارامی و ئاسایش، ئەراوە کار هاوبەش فرە گرنگە."
رۆمانۆسکی هەمیش وت: "لە سەرەکیەیل کارمان قایمکردن حکومەت هەرێم کوردستان و حکومەت عراقە، وەتایبەت لە سەروەخوەیی وزە، لەڕی ئەوزەڵکردن کەرت گاز سروشتی ئەرا کوردستان، نووەوکردن لویلەیلی و پەسەنکردن یاسایگ هەمیشەیی نەفت و گاز".
وتیش: خاڵیگ فرە گرنگ هەس، ئەوەیش نواگردن تیرۆر و چاکسازی ئابووریە، کە بوودە مدوو قایمکردن زیاتر بازرگانی و بەرهەمهاوردن و یەیش ئەرا گەشەپیدان و خوەشگوزەرانی هەرێم کوردستان فرە گرنگە.