ئەمریکا کۆنگرەیگ دەربارەی ئابووری هەرێم کوردستان لەدویای کۆڕۆنا کەێد
شەفەق نیوز/ بڕیارە ک مەسرور بارزانی سەرۆک حکومەت هەرێم کوردستان لە کۆنگرەیگ دەربارەی ئابووری هەرێم کوردستان لە دویای بڵاوبوین ڤایڕۆس کۆڕۆنا بەشدار بوود، وەچەودیری ژوور بازرگانی و پیشەسازی لە ئەمریکا.
ژوورەگە لە بەیاننامەیگ فەرمی وت: ئەوەسا لە رووژەیل ٢٣ و ٢٤ تەشرین دوویەم ٢٠٢٠ لە ری ئۆنلاین وە بەشداری وەرپرسەیلیگ پایەبەرز لە ئەمریکا و هەرێم کوردستان و کۆمپانیا ئەمریکییەگان ک خاوەن بەرهەماهوەردنن لە هەرێم کوردستان کۆنگرەگە دەسکەێدە پی.
وەگورەی بەیاننامەگە ئەوەسا باس لە چوینیەتی ئەوزەڵکردن ئابووری و دەرفەتەیل بەرهەمهاوردن و گرنگی داین وە ئاسایش خوەراک لە هەرێم کوردستان کریەێد، و هەمیش لە دویارووژ پەیوەندیەگان لەناوبەین ئەمریکا وعراق لە باوەت وزە
وەگورەی بەیاننامەیگ لە نۆێنەر حکومەت هەرێم لە واشینتۆن، ئەوەسا مەسرور بارزانی وەگەرد وەرپرسەیل پایەبەرز ئەمریکا لە کۆنگرەگە بەشدار بوود.
