ئەمریکا قونسڵ نوویگ لە هەرێم کوردستان دانەێد
شەفەق نیوز/ قونسوڵخانەی گشتی ئەمریکا لە پارێزگای هەولێر پایتەخت هەرێم کوردستان، ئمڕوو پەنجشەممە، داناین ئیرفین هیکس جونیۆر وە قونسوڵ نوویگ راگەیان، لە پشت ڕۆبەرت بلادینۆ ک ئەرکەیلی لە مانگ تەمووز گوزەشتە تەواو بوین.
باڵیۆزخانەگە لە بەیاننامیگ وت: هیکس جونیۆر ئەوەسا لە مانگ ئاب ٢٠٢٢ چوودە قونسوڵخانەی گشتی ئەمریکا لە هەولێر، عراق.
ئی قونسوڵ نووە جویر یەکەم راویژکار نویسینگەی باوەتەیل ناودەوڵەتی دژوە هووشبەری ورزگارکردن یاسا کار کردیە، وهەمیش گەورەی دانوسەنەیل وەرد نویسینگەی باوەتەیل سیاسی وسەربازی ئەرا دانوسەنین ورێککەفتن ئاسایش بویە، و راویژکار سیاسەت دەیشتەکی ئەرا هیز کار هاوبەش ئەرا ئەفریقا لە جیبووتی.
هەمیش ئەندام پیشەیی لە دویەم نەوە لە کڕ دیبلۆماسی دێرینی هەمیش هیکس لە پۆست جیگر سەرۆک شاند لە باڵیۆزخانەی ئەمریکا بویە لە نواکشۆت موريتانيا.
ئەرکەیل هیکس لە واشینتۆن پایتەخت لە نویسینگەی سیاسەت وەڕیەوبردن و کەمکردن وراسەوکردن و داهێنان وراویژکار ئیدارەی گەردینە، ک پاڵپشتی شاندەیل ئەمریکا لە خوەرئاوای ئەفریقا بویە ئەرا نواگردن پەتای ئیبۆلا.
وەرجەیەگ باێدە ناو وەزارەت دەرەوە، هیکس لە چەن ئاژانسیگ ناحکومی کار کردیە، جویر پەیمانگای ئەمریکی ئەفریقایی، و Entrepreneurs International، و بەرنامەی گواستنەوەی سەرکردایەتی ناوبەین ئەمریکا و ئەفریقا.
هەمیش وەڕیەوبەر جیوەجیکەر کۆمپانیای ژەنیڕاڵ موتۆرز لە ئۆپراسیۆنەیل ئەفریقا و خوەرهەڵات ناوڕاس بویە، وکارەیلی وەگەرد وەزارەت دەرەوەی گینیا و نەیجیریا و بەرازیل و جاپون وسیرالیون و موریشیوس و بوروندی کردیە.
هیکس بویەسە خاوەن بڕوانامەی زانکۆ لە زانکۆی جۆرج واشنتۆن، بوێە پسپۆڕ لە باوەتەیل ناودەوڵەتی و تۆێژنەوەیل ئەفریقایی، هەمیش بویە خاوەن پلەی ماستەر لە ئەسەب لە یاسا و دیبلۆماسی لە کۆلێژ فلیچەر ولە ئاسایش نەتەوەیی لە زانکۆی تافتس.
هیکس زوان فەرەنسی زانێد، و زوان پورتوگالی وئەڵمانی و عەرەبی و چینی وئەمهەری خوەنستیە، و خوەی یەکەم کەس بویە ک خەڵات ئیدوارد جێ بێرکینز ئەرا ساڵ ٢٠٢١ وەدەس هاوردیە، وهەمیش خاوەن بڕیگ خەڵاتەیل شایستەییە.
