ئەمریکا راگەیان پاڵپشتیەیلی ئەرا هێزەیل عراقی و پێشمەرگە وەردەوامە

شەفەق نیوز/ وەزارەت پێشمەرگە لە هەرێم کوردستان راگەیان، وەزارەت دەرەوەی ئەمریکی دووپاتکرد وڵاتەگەی وەردەوامە لە پاڵپشتی هێزەیل عراقی و پێشمەرگە. 

لە بەیاننامەی وەزارەتەگە هاتیە ک رەسیە وە ئاژانس شەفەق نیوز، یاریدەر وەزیر دەرەوەی ئەمریکا جنیفر گالیتۆ لە ڤیدیۆیگ لە کۆنگرەیگ رووژنامەوانی دووپاتکرد ئەمریکا وەردەوامە لە پاڵپشتیکردن هێزەیل عراقی و هێزەیل پێشمەرگەی کوردستان، دیاریکرد وەی مدوویە گشتمان کارکەێمن لەپێناو سەڵامەتی و سەقامگیری هەرێم.   

گالیتۆ وتیش، وڵاتەگەی تواێد وەردەوام عراق و هەرێم کوردستان لە ئاسایش و ئارامی بژیەن.  یاریدەر وزیر دەرەوەی ئەمریکا لە بەیاننامەگە دیاری کرد و گفتوگو لە کۆمەڵیگ لایەن و باوەت پێوەست وە هەرێم کوردستان وەگەرد رووژنامەوانەیل کرد.