ماڵ ئێزيدی له‌ ئه‌ڵمانيا ئه‌را بارزانی: قه‌وڵ داين وقه‌وڵدان وه‌جی هاوردين

له‌ به‌ياننامه‌ی سه‌رۆكايه‌تی هه‌رێم ئه‌را(شه‌فه‌ق نيوز)ئه‌وه‌ ده‌ركه‌فت ك لێدوانه‌يل بارزانی له‌وه‌خت پيشوازيكردنی له‌ عوسمان كۆرن سه‌رۆك ماڵ ئێزيدی له‌ ئه‌ڵمانيا بويه‌ ك له‌وه‌ر خاتر پيرووزبايی له‌ سه‌ركه‌فتنه‌يل پێشمه‌رگه‌و ئازادكردن شه‌نگاڵ سه‌ردان هه‌رێم كردگه‌و باس له‌وه‌ كردگه‌ ك هه‌نای بارزانی قه‌وڵ دا بابا شێخ و ئێزيديه‌يل قه‌وڵه‌يل خوه‌ی وه‌جی هاورد و شه‌نگاڵ وه‌ سه‌رپه‌رشتی خوه‌ی ئازاد كريا.

جی باسه‌، له‌لايه‌ن خوه‌ييشه‌و بارزانی دڵنيايی دا شاند ميوان وه‌ ئه‌وه‌گ گشت هه‌وڵيگ بيه‌ن له‌وه‌ر خاتر ئاوه‌دانكردنه‌وه‌ی شه‌نگاڵ و خاسه‌وكردن بار گوزران مه‌ردمه‌گه‌ی و جه‌خت له‌وه‌يش كرد ك ئاينده‌يگ رووشن چه‌وه‌ڕييان ئه‌كا.