کۆماندۆ کەفێدە مینەی شوینە شاراوەیل داعش لە کوردستان
شەفەق نیوز/ سەرچەوەیگ ئەمنی لە هەرێم کوردستان، ئمڕوو جومعە، خەوەردا هیزەیل کۆماندۆ ئۆپراسیۆنیگ وشکنین فراوایگ لە نیوان سنوور کوردستان و دەوروگەرد پارێزگایەیل دیالە و سەڵاحەدین ئەنجامدان، وە ئامێر تەقینەوە ئەرا تەقەمەنی وجماگەیل تیرۆرستەیل ک لەماوەی 48 ساعەت گوزەشتە دەوروبەر دووزخورماتوو کردنەسە ئامانج.
سەرچەوەگە وە ئاژانس شەفەق نیوز وت"یەکەی جەنگ کۆماندۆ ئۆپراسیۆنیگ وشکنین و پاکەوکردن فراوانیگ لە دەوروگەرد خانەقین و ئاوای نزیکەیل لە سنوور کەلار و ناوچەیل نیوان کفری و دوزخورماتوو ئەنجامدان، مینەی بنکەیل شاریاگەیل و گەرۆکەیل رێکخریاگ داعش کردنە و پاکەوکردن ریەیلە لە بۆمبەیل تەقینەوە و مین ئەرا نواگیریکردن لە رویدان هەر وە ئامانج گردن نوویگ ئەرا بەشە ئەمنیەیل روی بدەێد".
وتیش، لە ئۆپراسیۆنەگە دەیان کیلومەتر پاکەوکریانە لەو ناوچەیل ئاوایەیلە گومانکریەێد لە هبوین چالاکی تیرۆرستی لە ناوچەگە یان دەوروگەردی و یان توومارکردن جویلەیل مەفرەزەیل داعش لەنیوان ئەو ناوچەیلە".
