مانگردن لە خەسخانەیل کەلار لەوەر گرفتەیل گریەبەسی و مووچە
2023-04-24T08:56:00+00:00
شەفەق نیوز/ دەیان لە فەرمانبەر خزمەتگوزاری گریەبەسی وەگەرد یەکیگ لە کۆمپانیایەیل پاکەوکردن و خزمەتگوزاری ئەهلی داوای مووچەیلیان و نووکردن گریەبەسی کارکردنیان کەن.
فەرمانبەرەیل وە ئاژانس شەفەق نیوز باس لە نەهامەتیەلیان کردن و وتن، ئەوان مووچەی مانگ دوو وەرنەگردنە لەوەر گرفتەیل وەگەرد ئەو کۆمپانیای گریەبەسی وەردی کریاگە، یەیش هیشتیە ئمڕوو مانگبگرن لە کارکردن تا ئەو وەختەگ داواکاریان جیوەجی کەن.
لەلایگیش قائیمقام کەلار شەهاب حاجی ئەحمەد وە ئاژانسەگە راگەیان، " نزیکەی 60 فەرمانبەر خزمەتگوزاری خەسخانەیل کارەیلیان وەجیهشتنە، وە هووکار دیرکەفتن مووچە و دیر نووەوکردن گریەبەسی ساڵانەیان وەگەرد یەکیگ لە کۆمپانیەیل.
احمد وتیش، قەیران و گرفتەیل فەرمانبەرەیل خزمەتگوزاری چارەسەرکریا و جواو داواکاریان دریاگە، دیاریکرد فەرمانبەرەیل ئەرا کارەیلیان گلەودریەن لە دویای چارەسەرکردن گرفتەیل دارایی و تەکنیکی.
