مانگایگ دەگمەن خەڵک هەرێم کوردستان سەرسام کەێد

شەفەق نیوز/ لە رویداویگ ئەڵاجەوی، مانگایگ دەگمەن سێ پا سەرسام خەڵک ناوچەی ڕاپەڕین لە هەرێم کوردستان کرد، دویای ئەوە وینەیلی لە سۆشیال میدیا بڵاو کریان، کە هیشت فرە  کەس پرسیار لە سروشت ئی چشتە بکەن.

 هەرچەنیگ ئاژانس شەفەق نیوز تەقەلا دا پەیوەندی وە خاوەن مانگاگە بکەێد، بەڵام وەڵام پەیوەندییەیل نەیادەو، کە پەیامنێر ئاژانسەگە نەتوەنست بڕەسێدە ئەو شوینە،  کە ئاگادار بوی کە  خاوەنەگەی نیاز فرووشتنی داشتیە لە بازاڕ ئاژەڵان لە ڕاپەڕین، و نرخەگەی لە نرخە ئاساییەیل مانگا زیاتر بوی، بەڵام لەلای خاستر بوی دویای ئیوەتکردنی تا بۆ ماوەی زیاتر لە نۆ مانگ واز لە فرووشتنی بارێد.

 لە قسەیلی ئەرا ئاژانس شەفەق نیوز، دکتۆر عوسمان جەمال پسپۆر پزیشکی ڤێتێرنەری ئاشکرا کرد کە کەمی یان زیایبوین ئەندامەیل ئاژەڵ پشت نوویگ نییە، کە ساڵانە لە چەن ناوچەیگ ئاژەڵ دەرکەفێد کە چەن شیویایی دیرێد، جویر دوو یا سێ قاچ پا تەنانەت دوو سەر. 

 جەمال وتیش: فرە جار تەمەن ئەو گیاندارەلە کوڵترە، وەگورەی سروشت کەمی یا زیایەی ئەندامەیل.

 دکتۆر عوسمان دووپات کرد کە هووکار بۆماوەیی هەس، فرەجار بۆماوەیی و  هاتێ کاریگەری لەبان ئی گیانداراەیلە بوود لەوەر لەوەڕین مادەی کیمیایی یا دەرمان لە ماوەیج نەگونجیای،  یەیش بیجگە لە هوکارە ژینگەییەیل کە هاتێ بوونە مدوو ئەو شیویاییە.

دیاری کرد کە خواردن گووشت ئەو ئاژەڵەیلە رخیگ لەبان تەندروسی ئایەم دروس نیەکەێد، کە لەڕوی خواردنی تەندروسە.

 لە لاییگ ترەک خانمە دکتۆر رەیان عەلی پسپۆڕ توێژینەوەی بایۆلۆجی وت: نەوین ئەندامیل هاتێ کاریگەری لەبان توانای جویلەی ئاژەڵەگە بوود، یەیش بوودە مدوو زیایبوین زوور لەبان ئەندامە گرنگەیل ترەک، وەیەوە ئاژەڵەگە زویتر شەکەت بوود.

 ئاشکرا کرد کە جویلەی یەک کە لە ئەنجام نەوین قولیگ دروس بوود، هاتێ کاریگەری بەد لەبان بەرهەم شیر بوود، چوینکە   جویلەی گورج خوازێد  ئەرا پشتگیریکردن بەرهەمیگ خاس.

 نمایشکردن ئی شیوەیلە لە بازاڕەیل، کنجکاوی بسینەیل و ئەوانەگ ئارەزوو ئیوەتکردن ئاژەڵ کەن دروس کەێد و پرسیار لەبان چۆنیەتی رەفتارکردن وەرد ئی ئاژەڵەیلە لەڕوی ئیوەتکردن و خواردن دروس بوود.

 کاک کامەران، یەکیگ لە بزگیرەیل ناو بازاڕ ئاژەڵ ڕاپەڕین، ئەرا ئاژانس شەفەق نیوز وت: “نرخ مانگایگ وە بەرزترین نرخ لە یەک ملیۆن دینار رەد نیەکەێد، هەرچەن نرخەگەی رەسیە 20% زیاتر لەی شمارە، خاوەنەگەی داوای نرخیگ بەرزتر کرد، وە زانستن ئەوە کە فرە لە بسینەیل خوازن ئەو مانگا بسینن”.

ناوچە جیاجیایل هەرێم کوردستان و بەشیگ عراق  چشتەیلیگ هاوشیوەی ئەو ئاژەڵەیلە بوین کە پیکهاتەی ئەندامەیلیان نائاسایی بویە، یەیش هیلێد زانایەیل و پسپۆڕەیل تەقەلایل ئاشکراکردن ئی دیارد بیەن لەلییان مدووەیل بۆماوەیی و کاریگەرییە ژینگەییەیل.