مامووستايل كوردستان دووپات لە بایکۆتکردنیان کەن و ئامادەکاری ئەرا خوەینشاندان گەورەیگ کەن
دویای ٥٠ رووژ لە بەشەوکردن مووچەی مانگ ئەیلوول گوزەشتە، خشتەی بەشەوکردن مووچەی مانگ کانوون یەکەم گوزەشتە بڵاو کریا، وەبی ئاشکراکردن چارەنویس مووچەی مانگەیل تشرین یەکەم کانوون یەکەم ساڵ ٢٠٢٣.
وەگورەی خشتەی وەزارەت دارایی، ئەوەسا لە رووژ یەکشەممە، مووچەی وەزارەت پەروەردە بەشەو کریەێد، باوجی چارەنویس مووچەی سێ مانگ دویایین لە ساڵ گوزەشتە نادیارە.
مامووستا ناڕەزایل لە سلێمانی وەڕی ئەنجومەن مامووستایل ناڕەزا لە بەیاننامەیگ رەسیە ئاژانس شەفەق نیوز وتن: چ مووچە دان یا نەیان، لە شوڕش چەرمگ مامووستایل وەردەوامیمن، تا گشت داواکارییەیل جیوەجی کریەن، و هەر لە بایکۆت وەردەوامیمن.
ئەنجومەنەگە رووژ دووشەممە، ٥ شوبات، واتە دویای یەک رووژ لە وەرگردن مووچە، کردنە دیاری ئەرا دەسکردن وە خوەینشاندان گەورەیگ لە وڵاتەگە.
لە هەڵەبجە، بانگواز مامووستا وەفەرمانبەرەیل ناڕەزا ئەرا خوەینشاندان نیشتمانی ئەرا چینەیل گشت گەل بەرزەو بوی, و داوا لە مامووستا و فەرمانبەرەیل و بازرگانەیل و هاووڵاتیەیل کرد بەشداری لە خوەینشاندانەگە بکەن ئەرا فراوانکردن بایکۆت وناڕەزایی، وتنیش؛ ناڕەزایی لە وەردەم مەیدان عومەر خاوەر لە رووژ دووشەممە، ساعەت دەی شەوەکی کریەێد.
