مامووستایگ سوری ماوەی یەک ساڵ دەسدرویژی کەێد وەبان خوەنەوارە ئەڵمانیەگەی لە هەولێر
یاقو وە ئاژانس شەفەق نیوز وت، " رویداوەگە لە یەکیگ مەکتەوە تایبەتەیل شار هەولێر رویدایە هەنای دویەتە خوەنەواریگ هەفت ساڵان رویوەروی دەسدرویژی سێکسی بوود" دووپاتکرد" لیژنەگە چەوەڕێ ئەنجام لێکۆڵینەوەیل رویداوەگەن".
وەپای ئەو زانیارەیلە رەسیەس وە ئاژانس شەفەق نیوز دویەتەگە خوەنەوارە لە مەکتەویگ تایبەت فەرەنسی لە قەزای "عەنکاوە" لە هەولێر، باوگی ئەڵمانی و داڵگی مەغربیە و تەمەنی هەفت ساڵانە.
ئاژانسەگەمان زانیاری وەپی رەسیە، هێزەیل ئەمنی هەولێر کەسە توومەتبارەگە دەسگیرکردنە و سووریە خەڵک شار دمەشقەو ماموسای وانەی وەرزشە لەهەمان مەکتەو ماوەی یەک ساڵ تەواو دەسدرویژی وەبان دویەتەگە کردیە و داڵگ دویەتە ئاشکەرای ئی کارە کردیە لەری ئەوەگ بڕە پویلیگ وە دویەتەی بویە.
وەپای وتەیل قوربانیەگە، مامووستاگە هەرەشە لە دویەتەکردیە ئەگەر ری نەیاتاد وە ئەنجام ئەو کارە.
