مامووسا و وانەبێژەیل سەرلەنوو لەسلێمانی خوەنیشاندان کەن (وینە)
2024-02-11T09:20:26+00:00
شەفەق نیوز/ مامووسا و وانەبێژەیل سەرلە نوو لە شار سلێمانی، ئمڕوو یەکشەممە، خوەنیشاندان کردن ئەرا داواکردن مووچەیلیان و بەرزکردنەوەی پلەیان، و لاوردن ئەو سزایەیلە ئەرایان دەرکریاس.
پەیامنێر ئاژانس خەوەری شەفەق نیوز وت؛ مامووسایەیل دووپاتکەن لەبان وەردەوامبوینیان لە خوەنیشاندان و مانگردن تا لایەنەیل فەرمی جوایان دەن، ئەو سزایەیلە لاوەن کە ئەرا سێ هەزار مامووسا لە سلێمانی و ناوچەیل سەر وەپی گردیەسەو.
مامووسایەیل لە هەڵەبجە و راپەرین و سەێدسادق و لەوەردەم وەڕێوەبەرایەتی پەروەردەی سلێمانی گردەوبوین دەنگ و داواکاریەگانیان بەرزەوکردن ئەرا لایەنەیل فەرمی، لەبان گشتیش خەرجکردن مووچە و لاوردن سزاگانیان.
