ماموستایه‌یل زوان کوردی لە کەرکوک داوا لە ساڵح و کازمی کەن بخریەنە بان بەغداد
شەفەق نیوز/ ماموستاگان لە بەش زوان کوردی لە کەرکوگ، ئمڕوو یەکشەممە، داوا لە حکومەت عراق و سەرۆکایەتی کۆمار کردن، مەلاکیان لە پەروەردەی هەرێم کوردستان بخەنە بان پەروەردەی عراق، و مووڵەت ٢٥ رووژ دانە لایەنە پەیوەندی دارەگان ئەرا جیوەجی کردن داواکاریەیلیان یا پەنا بەن وە ریە یاسایی و دەستوریەگان.
لە بەیاننامەیگ هاوبەش ئەرا دەسەی هەڵوێست لە وەرگریکردن لەبان مافەیل ماموستاگان و فەرمانبەرەیل خوەندن کوردی، و دەسەی وەرگری لە مافەیل ماموستاگان و فەرمانبەرەیل خوەندن کوردی لە کەرکوک، ک رەسیە ئاژانس شەفەق نیوز وت: ماموستاگان داوا لە سەرۆکایەتی کۆمار و سەرۆکایەتی ئەنجومەن وەزیران و سەرۆکایەتی ئەنجومەن نوێنەران کەن، و ئووشن: ئیمە لە ساڵ ٢٠٠٣ تا ئیسە وەردەوامیمن لە هووکارەکردن و خزمەت پارێزگاگەمان وە شیەوەیگ وەردەوام، وزیاتر لە ٥٠٠ مەکتەب لەناو پارێزگای کەرکوک و قەزاو ناحیەگانی کردیمنەو، لە بان بنەمای مادەی چوارم لە دەستور نوو عراق، داوا لە دەسەڵاتەیل کەیمن ئەرا کارکردن راسیانە وە گواستنەوەی مەلاکمان و ساڵەیل خزمەت فەرمانبەریمان لە وەزارەت پەروەردەی حکومەت هەرێم کوردستان ئەرا مەلاک هەمیشەیی لە وەزارەت پەروەردەی عراق- وەڕێوبەرایەتی پارێزگای کەرکوک.
و هەمیش وتن: تا ئەوەنە دەسکرێەێدە جیوەجیکردن داواکاریەیلمان، و ریکارە ئیدارەیی و یاساییەگان ئەرا هەواڵەکردن مووچەیلمان لە بوودجەگەمان لە مووچەیل فەرمانبەرەیل هەرێم و بڕینی وەبی دیرکەفتن و لە مەوقەی خوەی، ورەوانەکردنی وە شیوەیگ راستەخۆ، مووڵەت ٢٥ رووژ دەێمنە لایەنە پەیوەندی دارەگان، ئەگەر خستنەی پشتگووش، چیمن وەرەو ریە یاسایی و دەستوریەگان.
