ماکڕۆن رەسێدە هەولێر... وێنە
![ماکڕۆن رەسێدە هەولێر... وێنە](https://media.shafaq.com/media/arcella/1630219031323.jpeg)
شەفەق نیوز/ ئیمانوێل ماکڕۆن سەرۆک فەڕەنسا، دویای بەشداریکردنی لە کۆنگرەی بەغداد ئەرا هاوکاری و هاوبەشی، رەسیە هەولێر پایتەخت هەرێم کوردستان.
ماکڕۆن لەلایەن نێچیروان بارزانی سەرۆک هەرێم کوردستان، لە فڕۆکەخانەی ناودەوڵەتی هەولێر پیشوازی لەلی کریا.
دویای پیشوازیکردنەگە، سەرۆک هەرێم کوردستان لەبان تویتەر نووسان: خوەشحاڵم ک ئمشەو لە هەولێرپیشوازی لە برادەرم سەرۆک فەڕەنسا بکەم، ک خوازم پەیوەندیە دووانیەیلە و هەڵبژاردن عراق و باوەتەیلیگ تر وەگەرد ماکڕۆن باس بکەم، و هیمان سوپاس لە پشتگیریکردن وەردەوام فەڕەنسا ئەرا هەرێم کوردستان کەم.
بڕیارە سەرۆک فەڕەنسا سەردان شار مووسڵیش بکەێد.