کەمەوبوین کۆڕۆنا لە هەرێم کوردستان وە ٥٣ تووشهاتن و یەک مردن
![کەمەوبوین کۆڕۆنا لە هەرێم کوردستان وە ٥٣ تووشهاتن و یەک مردن](https://media.shafaq.com/media/arcella/1613215645663.jpg)
2021-02-13T11:28:04+00:00
شەفەق نیوز/ وەزارت تەندروسی لە هەرێم کوردستان، ئمڕوو شەممە، راگەیان تۆمارکردن ٥٣ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە.
تووشهاتنە نووەگان وەگورەی هەڵوێست پەتاگە وەیجوورە بەشەوە بوین: ٩ هەولێر، ٣ سلێمانی، ٣٧ دهۆک، ٤ گەرمیان
و هەمیش ٩٤ کەس لە پەتاگە خاسەو بوین وەیجوورە: ٤٢ هەولێر، ٣٢ سلێمانی، ١٥ دهۆک، ٤ گەرمیان، ١ راپەڕین.
و یەک بیمار لەوەر پەتاگە لە دویاترین ٢٤ ساعەت لە دهۆک مرد.
گشت ژمارەی تووشهاتنەگان لە هەرێم کوردستان رەسیە ١٠٦٨٦٠، لەلیان ١٠٢٢٣٤ کەس خاسەو بوینە، و ٣٤٩٦ مردنە.