میوان چەرمگ کوێەی شنگال پووشێد و خەڵکەگە داد لە دەس بی نەفتی و سەردی کەن
2023-01-07T16:14:25+00:00
شەفەق نیوز/ وەرپرسیگ ناوخوەیی لە قەزای شنگال، ئمڕوو شەممە، لە وارین وەفر لەبان کوێەی شنگال ئەرا یەکەمین جار لەی زمسانە راگەیان، و دیاری کرد ک خەڵکەگە زیان لە کەم نەفتی وەخوەیان دوینن لەوەر سەردی کەشوهەوا و وەفر وارین.
خودیدا جوکی وەڕیەوبەر ناحیەی سنونێ ئەرا ئاژانس شەفەق نیوز وت: ئمڕوو وەفر لەبان کوێەی شنگال واریە، و دیاری کرد ک وەفرەگە لەناوچەی میران واریە، و کوڵفتیی رەسیە ٥ تا ٦ سانتیمەتر.
وتیش: یە یەکەمین جارە لەی زمسانە واران لە بان کوێەگە بوارێد.
جوکی دیاری کرد ک حکومەت ناوخوەیی نەفت ئەرا دانیشتگەیل کوێەی شنگال بەشەو کرد، وەلێ ئەوە بەش نیەکەێد، چوینکە ناوچەگە فرە سەردە و فرە کەفێدە وەر وەفر و واران لە وەرز زمسان.
