٣٤مین ساڵیاد قوربانیەیل کیماواران شار هەڵەبجە

 شەفەق نیوز/ ئمڕوو 16ى ئادار، 34 ساڵ وەبان کارەسات كیمیاوارانی شار هەڵەبجە  رەد بوود، تاوانیگ كۆمەڵكوژی ک لە دۊای کۆتایی جەنگ عراقی و ئیران لەلایەن رژیم دیكتاتۆری بەعس دژوە نەتەوەی کورد کریا و شار هەڵەبجە وە چەك كیمیایی و گاز سارین کیماواران كرد. 

لە ئەنجام ئەو تاوانە پەنج هەزار كەس وەکوتپڕ گیانیان لەدەسدا و زیاتر لە 10 هەزار كەسیش زەخمدار بۊن، تا ئیسەیش بەش فرەیگ خەڵك ئەو شارە وەدەس کاریگەری کیماواران شارەیلیان ناڵن، و جیماگەی چەك‌ كیمیایی‌ پەبان بڕیگ لە زەخمدارەیل مەنیە، و بڕێگ مناڵ بیسەروشۊنە ک هیمان پەیا نەکریانە. 

له‌ ساڵ 2010 کارەسات کیماوارانی هەڵەبجە لە پەرلەمان‌ عراق وە لەلایەن دادگای باڵای تاوانەیل عراق وە جینۆساید ناسیا. 

وینەگەی عومەر خاوەر وەگەرد کوورپەی  باوەشی بۊە  سیمبول هەڵەبجە ورەسیە گشت جەهان.