مەسعود بارزانی: شیعە و سوننەی پەرلەمان خەنجەریگ دانە گەل کوردستان
شەفەق نیوز/مەسعود بارزانی سەرکردەی کورد، ئمڕوو پەنجشەممە، داوا لە نۆێنەرەیل کورد لە بەغداد و پەرلەمان کوردستان و حکومەتی کرد هەڵوێست هاوبەشیگ دژوە یاسای قەرزکردن بوەن، ک وە بی دانگدان کورد رەد کریا، ک بارزانی ئی گامە وخەنجەریگ لە گەل کوردستان دانادەی.
لەی باوەتە، بەیاننامەیگ لە مەسعود بارزانی سەرۆک پارت دیموکرات کوردستان رەسیە ئاژانس شەفەق نیوز وت: وەداخەو ک یەکجار تر لایەنە سیاسییەگان وە شیعەو وسوونەیان لە ئەنجومەن نۆێنەران خەنجەریگ دانە پشت گەل کورد، و بوودجەگە و خوەراک گەل کوردستانی جوور کاریگ ئەرا جەختکردن لەبان هەرێم کوردستان وەکار هاوردن.
بارزاني وتیش؛ هەرچەن لە فرە جارەگان واژوو رێککەفتنەگان لەناوبەین حکومەت هەرێم کوردستان و حکومەت فیدڕاڵی واژوو کریا، بەڵکم جیوەجی نەکریان، و دیاریکرد ک ئیمە نووڕیمن ک ئەو یاسا ک ئەنجومەن نۆێنەران دەری کرد وەبی نووڕستن وە بنەمایل هاوبەشی ورێککەفتنەگان جوور باوەتیگ سیاسی ئارا جەختکردن لەبان هەرێم و سزادان گەل کوردستان، ک خوەی کاریگە وەپێچەوانەی بنەمایل هاوبەشی وهەماهەنگی وهاوسەنگی لەناونی پێکهاتەیل عراق و شیوەیگ لە تەنگەو کردن و دژایەتی.
وتیش: دەرکەفت ک لایەنە پەرلەمانیەگان وەرجەیە بڕیار دژایەتی هەرێم دانە، و ئاماژە کرد ک ئەوان هەمیشە وەی بۆچوونە رەفتار کەن وەگەرد دەستور و رێککەفتنەگان و مافەکان وداواکاریەیل گەل کوردستان.
بارزاني وتیش؛ خوەی ئەرزشدار دەنگ نۆێنەرەیل گەل کوردستانی لە بەغداد کەێد، و هەڵوێست هاوبەشیان شایی رێز و سڵاوە، وداوا لە سەرۆکایەتی هەرێم کوردستان و پەرلەمان و حکومەت کرد کۆبونەوە وەگەرد لایەنە سیاسییەگان لە هەرێم لەی باوەتە بکەن وبڕەسنە بڕیار هاوبەشیگ.
بارزانی داوا لە لەو لایەنە کوردەیلە کرد ک ئاماژە وەپیان دا بڕیاریگ دەربکەن لە ئاست وەرپرسایەتی بوود ئەرا چارەسەرکەردن گرفتەگان و لەخود وەختەگە مقەیەتی لە کەڕامەت گەل کورد بکەێد و سنووریگ ئەرا ئیجوور رەفتارەیلیگ دانەێد ک ئامانج سزادان گەل کوردستان کەێد.
