مەسعود بارزانی دڵنیای خەڵک کوردستان کەێد: کوردستان ئەفغانستان نییە
شەفەق نیوز/ مەسعود بارزانی سەرکردەی کورد، ئمڕوو یەکشەممە، دڵنیای خەڵکەگە لە هەرێم کوردستان کرد ک هیچ هاوشیویگ لەناوبەین هەرێم کوردستان و ئەفغانستان نییە.
سەرکردەی کورد لە پەیامیگ ئەرا خەڵک هەرێم کوردستان وت: دویلی رووداوەیل ئەفغانستان، شەپۆلیگ سیاسی و راگەیانن ئەرا چەن رووژیگە کار ئەرا بڵاوکردن نیگەرانی و بیزای لەناونی گەل کورد کەێد، لە بەراوردکردن ناوبەین هەرێم کوردستان و ئەفغانستان، و لەێرا، بایەتە گشت لایەنەیلە بزانن ک هەر دەوڵەتیگ ئەگەر پشت وەخوەی وتوانیل خوەی نەوەسێد، هەمیشە ئەگەر هەس ک بەکەفێدە وەر هەڕەشە و ویرانکردن، و ئەوەسا پاڵپشتیکردن هەرێم کوردستان ئەرزشدار بوود، و لە وەرگردن توانایل تایبەت خوەمان ئەوەیا گورج بوود.
سەرکردەی کورد بارزانی وتیش؛ جیوازیگ فراوانیگ لەناوبەین ئەفغانستان و کوردستان هەس، و جیوازیەیل فرەیگ هەس لەناوبەین پێشمەرگە و سوپای ئەفغانی، و دووپات کرد ک پێشمەرگە ئەنجامیگە ئەرا مێژوو خوین و ئەسر گەل کوردستان، و خاوەن سەدان لە ئەفسانەیل میژووی و پاڵەوانیە، و شکستهاوردن وە ئەفسانەی داعش یەکیگە لەو نموونەیلە، و هەمیش ئەفسانەگڵی پردێ و سەحیلا ک لەناوی دوژمنەیل کوردستان خوازین خوازین و توانای گەل کورد بشکنن، باوجی پێشمەرگە و گەل کورد وە خۆڕاگری و توانای پوڵایی خوەیان شکست وە پلان دوژمنەیلە هاوردن.
بارزانی وتیش؛ لەێرا خوازم دڵنیای گەل کوردستان بکەم ک رەوشەگە لە هەرێم کوردستان فرە جیاوازترە لەو شوینەیل تر، و وە پەنای خودا هێزەیل وە هێزیگ دیریمن، و لەوە گرنگتر ئەوەسە ک ئیمە نەتەوەیەک خاوەن توانا باوەتیمن.
بارزانی جەخت کرد ک دوژمن و خوەسدارەیلە ئەگەر خوازین زەرەد کەل کوردستان بیەن، ئەوە قەت وە ئاسانی نێەوود، وە دڵنیاییەو ئەوە لە دویارووژیش نێەوود، و نشان دا ک هەر کەسیگ بخوازێد بیزای و خراوکردن دڵنیایی و بەراوردی ناوخوەش لەناو کەلەکە بپەخشێد، دیارە کەخوەی هیمان لە توانا و خۆڕاگری ئی گەلە نەڕەسیەسەو.
