مەسروور بارزانی: هەرێم کوردستان هەر جویر پەنا مینێد ئەرا هەر کەسیگ لە ستەم و تیرۆر بواێد
بارزانی لە وتاریگ لە رسوومەیل راگەیانن بنەمایل رینمایەیل رێکخستن کاروبار کووچبەرەیل لە هەرێم کوردستان وت: یە چەنای چەن ساڵە هەرێم کوردستان میوانداری سەدان ھەزار لە کووچبەر و ئاوارەی کەێد وەیی هویچ جیاوازییگ، وتیش: حکومەت هەرێم کوردستان پشتگیری لە گلەوخواردن رەزامەنی ئاوارە و کووچبەرەیل و گونجانن رەوشەیل لە ناوچەیلیان کەێد.
وتیش: لەی قۆناغە کەفتیمنەسا رەوش سەختیگ و قەیران ئابووری، وەلێ لەبان ئەوەیش، حکومەت هەرێم کوردستان وەرپرسایەتی وەڕیەوبردن و سەنین دەیان کامپەیل هەڵگرد، و بارە قورسەگە خریا بان شان هەرێم کوردستان.
بارزانی وتیش: ئمڕوو هەرێم کوردستان سەدان هەزار لەو کووچبەر و ئاوارەیلە گردێەو کە پەنا وە هەرێم بردنە لەوەر بەدی رەوشەیل ئاسایش و نائارامی لە وڵاتیان.
هەمیش وت: وەگورەی توانای دارایی تەقەلا دایمن خزمەتگوزارییەیل سەرەکی ئەرا پەنابەریان و کووچبەرەیل دابین بکەیمن، جویر مەکتەوەیل و تەندروسی و خوازینەیل ژیان، و ئومید لە حکومەت فیدراڵی خوازیمن زیاتر دەسمیەتی بەێد ئەرا خزمەتکردن کووچبەر و ئاوارەیل.
