مەسروور بارزانی لە پرسەی رەئیسی: ئومید خوازیمن نەتەوەیل لەیەک نزیکەو بوزن

پەیامنێر ئاژانس شەفەق نیوز وت: مەسروور بارزانی سەرۆک حکومەت هەرێم کوردستان، بەشداری لە پرسەی سەرۆک ئیران و یاوەرەیلی کرد، لەناو قونسوڵخانەی ئیران لە هەولێر.

بارزانی لە وتاریگ ئەرا رووژنامەنویسەیل وت: چەوەڕی کردیمن لەی رووژەیل کەمە پیشوازی لە سەرۆک ئیران لە هەولێر بکەیمن، کە بڕیارە سەردان عراق بکەێد، وەلێ بەدبەختانە لەی رویداو دڵتەزنە خوەی و سەرۆک دەیشت گیانیان لەدەسدان.

بارزانی وتیش: هاتیمن تا سەرەخوەشی لە سەرکردایەتی و سەرۆکایەتی و حکومەت و گەل ئیران بکەیمن لەڕی قونسوڵخانەی کۆمار ئیسلامی ئیران، ئومید خوازیمن ئی رویداوەیلە بوونە مدوو نزیکەوبوین نەتەوەیل لەیەک، و گشتمان توەنیمن پەیوەندییەیلیگ خاستر وەل یەکتر دروس بکەیمن.