مەسرور بارزانی: ئەوەسا هەرێم کوردستان ساڵانە ٣٥٠ هەزار تەن ئاسن دابین کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو سێشەممە، کارگەی مید ستیل لە شار هەولێر واز کرد.
بارزانی لە وتاریگ لەی بۆنە وت: ئیمە لە هەرێم کوردستان وەردەوامیمن لە پاڵپشتیکردن کەرت تایبەت، وەتایبەت لەیجوور پڕۆژەیلیگ، وتیش؛ ئیمە پەیمان تەنیا نیەیمن بەڵام لەڕاسی جیوەجیی کەیمن وتەقەلای ڕەنگاوڕەنگی سەرچەوەیل داهات ئەرا هەرێم دەیمن.
وتیش: بی گومان ک ئی پڕۆژە توانای بەرهەمکردن ٣٥٠ هەزار تەن ئاسن و پوڵا ساڵانە دیرێد، نەگ ئەرا تەنیا هەرێم باوجی ئەرا گشت عراق.
بارزانی هەمیش وت: ئەوەگ جی شانازیە ک هەرێم رووژ لە دویای رووژ هالە دروسکردن پڕۆژە گرنگەیل، و دووپات کرد ک حکومەتەگەی تەقەلای فرەیگ دەێد تا وە یەک سەرچەوەی داهاتیگ پشت نەوەسێد و سەرچەوە ناوخۆییەکان فراوانەو بکەێد.
سەرۆک حکومەت هەرێم کوردستان بانگواز ئەرا بەرهەمهاورەیل کرد لە گشت کەرتەیل هەرێم بەرهەم بارن، و نشان دا ک حکومەتەگەی بەرنامەی توکمەیگ لە گەشەدان کوردستان لە گشت چینەیل دیرێد.
