مەسرور بارزانی لە سویسرا بەشداری لە کۆڕبەند "داڤۆس" کەێد

شەفەق نیوز/ ئمڕوو دووشەممە، مەسرور بارزانی سەرۆک حکومەت هەرێم کوردستان، رەسیە وڵات سویسرا ئەرا بەشداریکردن لە کارەیل خول 55مین کۆڕبەند ئابووری جیهانی لە داڤۆس کە ئمساڵ لەژیر دروشم “هاوکاری ئەرا سەردەمی زیرەک” وەڕیەو چوود.  

وەگورەی بەیاننامەی نووسینگەگەی، کە رەسیە ئاژانس شەفەق نیوز؛ مەسرور بارزانی، لە پەراوێز بەشداریکردنی لە کارەیل کۆربەندەگە، بڕیگ چەوپیکەفتن وەرد سەرۆک دەوڵەتەیل و حکومەتەیل و وەرپرسەیل باڵای وڵاتەیل جیهان ئەنجام دەێد، و وەگەردیان باس لە ریەیل بەرزکردن هاوکاری وەرد هەرێم کوردستان کەێد، وەتایبەتی لە بوارەیل ئابووری و بەرهەمهاوردن، کە بەشدارن لە رەسین وە گەشەپبدان و خشگوزەرانی.

 (ماڵ کوردستان) کە ساڵ گوزەشتە وە رینمایی  بارزانی واز بوی، ئمساڵ پاکێجبگ لە بوونە و چالاکیەیل رێکخەێد کە ئامانجیان ناسانن توانایل هەرێم و ئەو دەرفەتە بەرهومهاوردنە لەناوی، لە چوارچبوەی بەرزکردن توانایل هەرێم لە ئامادەبوین لەی کۆڕبەند ئابوورییە جیهانییە دیارەدا.

بەشداریکردن سەرۆک حکومەت هەرێم کوردستان لە داڤۆس لە چوارچیوەی تەقەلایل وەردەوامیە ئەرا بەرزکردن پایەی هەرێم کوردستان لە ئاست ناودەوڵەتی و باسکردن باوەتەیلیگ گریەدار وە بانان عراق و ناوچەگە وە گشتی.ئمساڵ شاندیگ بازرگان و بەرهەمهاوردن لە هەرێم کوردستانەو بەشداری ئی چالاکی ئابووری جیهانییە کەن، وەگورەی بەیاننامەگە.