مەسرور بارزانی: شاندە دبلۆماسیەگان کەفنە وەر مەترسی گەورایگ لە عراق

شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو سێشەممە، شەرمەزار پەلامارە مووشەکیەگە کرد ک باڵیۆزخانەی ئەمەریکا لە بەغداد پایتەخت کەفتە وەری.

بارزانی لەبان ماڵپەڕ تویتەر نووسان: شاندە دبلۆماسیەگان کەفنە وەر مەترسی گەورایگ لە عراق.

وتیش؛ ئەو شاندەیلە ئەرا نواگردن تیرۆر و ئاوەدانکردنەوەی عراق هانە ئیرا، و هان حکومەت فیدڕاڵی دا ریکارەیلیگ گونجیاگئەرا مقەیەتیکردن سەڵامەتییان بوەێد.

بارزانی وتیش؛ بایەدە ئەو پەلامارەیلە بوسێەنەو.

ئمڕوو، لە وەختیگ گوزەیشتە، سێ مووشەک کەفتە دەورگرد ناوچەی خەزڕا لەناوڕاس بەغداد، و بویە هووکار کەفتن ژمارەیگ لە زەخمدارەیل.