مەسرور بارزانی راگەینێد دابەشکردن کارت زانیاری ئەلیکتڕۆنی ئەرا هەر هاووڵاتییگ لە هەرێم
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، راگەیان حکومەتەگە کارکەێد ئەرا دەرکردن کارت زانیاری ئەلیکتڕۆنی ئەرا هەر شۆفێریگ لە هەرێم لە پڕۆژەیگ ک ئەوەسا لە ساڵ ئایندە تەواو کریەێد.
بارزانی لە وتاریگ لە مەوقەی ئامادەبوونی لە واژووکردن گریەبەسیەیگ لەناوبەین وەزارت ناوخۆ و کۆمەڵەیگ ئەڵمانی ئەرا ئاڵشتکردن سیستەم هاتووچو لە کوردستان ئەرا ئەلیکتڕۆنی، وت: حکومەتەگەی کار ئەرا پێشکەشکردن خزمەتگوزارییەیلیگ وەشیوەی سەردەمانە و نوو کەێد.
وتیش؛ تەقەلا دەیمن کارەیل هاوڵاتییەگان لە فەرمانگە و دامەزراوەیل حکومەت لە جیای قاقەز و قەڵەم وە ئۆنڵاین ئەنجام بیەیمن، و هیچ لەنوامان نییە یا وەگەرد پێشکەفتن بچیمن، یا لە گوزەیشتە بمینیمن.
و دووپاتکرد ک سیستەم ئەلیکتڕۆنی ئاشکرایی زیاتر لە کارەگان نیشان دەێد، و شیوەی رەنگینیگ لە دامەزراوەیلمان ئەرا جهان دەشتەکی دەرخەێد، ودیاریکرد ک ئمڕوو رێککەفتنیگ وەگەرد کۆمپانیایگ ئەڵمانی ئەرا تۆمار کردن ئەلیکتڕۆنی ئەرا ماشینەگان واژوو کەیمن.
وتیش؛ لە ساڵ ئایندە هەر شۆفێریگ بوودە خاوەن کارتیگ ئەلیکتڕۆنی، و ئاماژە کرد ک زیاتر لە دوو مەلیۆن شۆفێر لەی بەڕنامە سوودمەن بوون.
دەربارەی گرنگی ئاڵشتکردن سیستەم هاتووچو ئەرا ئەلیکتڕۆنی، بارزانی وت: ئەوەسا پۆلیس توانادار بوود لە گردن ماشینەگان و رەسین وەپیان لە وەختە فریاکەفتنەگان و هەمیش کەمەوکردن رۆتین و قەرەباڵغی لە فەرمانگەیل هاتووچو، هەمیش لە وەزارەت پەروەردە و تەندروسی لەی بەیاننامەیلە سوودمەن بوون.
