مەسرور بارزانی: رکداریمن لە دژایەتی گەندەڵی و نواگردن گوماکردن دارایی
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممە، جەخت کرد ک خوەی رک لە دژایەتی گەندەڵی و نواگردن گوماکردن دارایی گشتی دیرێد، و ئاماژە کرد ک یاسای چاکسازی ئامانج بتەوکردن و مقەیەتی مافەیل شایستەدارەگان کەێد.
سەرۆکایەتی حکومەت کوردستان، لە بەیاننامەیگ رەسیە ئاژانس شەفەق نیوز وت؛ ک ئمڕوو مەسرور بارزانی سەرپەرشتیاری کوبونەوەی دەسەی باڵای جیوەجیکردن یاسای چاکسازی لە هەرێم کرد، و دیاری کرد ک لە کۆبونەوەگە باس لە گامەیل جیوەجیکردن یاسای چاکسازی لەباوەت مووچە وشایستەگان و خانەنشینی لە دامەزراوەیل حکومەت هەرێم و وەزارەتەگانی کریا.
سەرۆک حکومەت ئاماژە کرد ک جیوەجیکردن یاسای چاکسازی ئامانج بتەوکردن داد و مقەیەتی مافەیل شایستەدارەگان لە چوارچیوەی کاریگ وەردەوام کەێد ک گشت کەرتەگان بگرێدەو، و وتیش: حکومەت هەرێم کوردستان رکدارە لە دژایەتی گەندەڵی و نواگردن لە گوماکردن دارایی گشتی، و چاکسازی ئیداری و دارایی.
وەگورەی بەیاننامەگە، عەبدولحەکیم خەسرەو یەگەم گامەیل جیوەجیکردن یاساگە خستەڕوو، ئیجا وەزیرە پەیوەندیدارەگان هەرکە وە پسپۆڕی خوەی، راپۆرتەیلیگ ووردەکاری وە ژمارە و زانیاری و بەیاننامەگان لە نووەوبویەگان جیوەجیکردن یاسای چاکسازی خستنە وەردەس.
راپۆرتەیل وەزیرەگان بڕیگ لە باوەتەگان لەناویان بوی، وەتایبەت مووچەگان و وشایستەگان و خانەنشینی ودووارە رێکخستن هێزەیل پێشمەرگە و شیوەیل کەمەوکردن رۆتین لە فەرمانگە حکومەتیەگان، وەگورەی ئەو بەیاننامە ک ئاماژە کرد ک دویای باسکردن و گواستەوەی راگان بڕیگ لە تەمەیەگان وەئامانح تەواوکردن وەجیهاورن یاسای چاکسازی پێشکەش کریا.
